diyarbaqirda térrorchilargha ejellik zerbe bérildi
diyarbaqir yézilirida uchquchisiz hawa apparatliri arqiliq éniqlap chiqilghan 3 térrorchi hawa armiyesining yardimide élip bérilghan zerbe bérish herikiti dawamida bir terep qilindi.
türkiye awazi radiyosi xewiri: türkiye ichki ishlar ministiri eli yerliqaya ammiwi ortaqlishish tor bétidiki sehipiside élan qilghan bayanatida, diyarbaqir yézilirida élip bérilghan zerbe bérish herikiti dawamida 3 térrorchining bir terep qilinghanliqini, bir kishining tutulghanliqini eskertip mundaq dédi: «jamaet xewpsizliki bash idarimiz we qoralliq saqchi qisim bash qomandanliq ishtabimizning hemkarliqi astida élip bérilghan zerbe bérish herikiti dairiside, jamaet xewpsizliki idarisi istixbarat bashqarmimiz, diyarbaqir wilayetlik jamaet xewpsizliki idarimiz, awiyatsiye bashqarmimiz we diyarbaqir wilayetlik qoralliq saqchi qisim qomandanliq ishtabimizning ortaq xizmet ishlishi netijiside, jamaet xewpsizliki idarisi uchquchisiz hawa apparatlirining charlash paaliyetliri dawamida, diyarbaqir yézilirida üch térrorchi bir terep qilindi.»
«bügün etigende, diyarbaqir saqchi alahide etretliri, qoralliq saqchi qisim alahide etretliri, jamaet xewpsizliki idarisi uchquchisiz hawa apparatliri we qoralliq saqchi qisim qoralliq uchquchisiz hawa apparatlirining yardimide élip bérilghan zerbe bérish herikiti dawamida üch térrorchi bir terep qilindi. bölgünchi térrorluq teshkilati p k k ning atalmish puqralar teshkilati (YPS) ezasi bir kishi tutuldi. térrorchilargha yardem qilghan we qollighan töt jinayet gumandari qolgha élindi.»
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
