fidan kiyéwni ziyaret qildi
türkiye tashqi ishlar xaqan fidan üch künlük iraq ziyaritini axirlashturghandin kéyin, ukrainagha yétip bardi.
türkiye awazi radiyosi xewiri: tashqi ishlar ministiri xaqan fidan paytext kiyéwda, ukraina pirézidénti wolodimir zélénskiy teripidin huzurida qobul qilindi.
pirézidént zélénskiy körüshüshtin kéyin bayanat élan qildi.
u ministir xaqan fidan bilen qaradéngiz ashliq karidori mesilisini muzakire qilghanliqlirini bildürdi.
ministir xaqan fidan ziyariti ramkisida, ukraina pirézidéntliq mehkimisi ishxanisining bashliqi andriy yérmak bilenmu körüshti.
bu ziyaret, xaqan fidanning tashqi ishlar ministiri bolush süpitide ukrainada emelge ashurghan birinchi ziyariti bolup hésablinidu.
2022-yili 24-féwral ukraina-rusiye urushi partlighandin buyan, türkiye ukraina-rusiye otturisida oynighan muressechilik roli bilen aldinqi orungha chiqti.
qanat yaydurulghan diplomatik xizmetler netijiside tesis qilinghan ashliq karidori, özara esir almashturush we amérika bilen rusiye otturisidiki yadro yirikchilikini azaytilishigha muhim hessilerni qoshti.
