chelik «atatürk» namliq téléwiziye tiyatirining tarqitilishining emeldin qaldurulushini eyiblidi

türkiye awazi radiyosi xewiri: adalet we tereqqiyat partiyesining muawin reisi, qoshumche partiye bayanatchisi ömer chelik amérika qoshma ishtatliridiki bir téléwiziye tiyatiri / kino – filim supisining «atatürk» namliq köp qisimliq téléwiziye tiyatirining tarqitilishini emeldin qaldurushigha naraziliq bildürdi.

ömer chelik özining ijtimaiy taratqudiki adrésida bayanat élan qilip: «amérikadiki bir téléwiziye tiyatiri / kino – filim supisining erméniye lobisining bésimigha boyun égip, <atatürk> namliq köp qisimliq téléwiziye tiyatirini tarqitishtin toxtishishi nomus qilarliq ish bolup hésablinidu.

mezkur supining bu pozitsiyesi türkiye jumhuriyiti we xelqining qimmet qarishigha qilinghan hörmetsizliktur.

biz ilgiri her xil sorunlarda bayan qilghinimizdek, amérikadiki bu atalmish ​​irqiy qirghinchiliq shaykisi, tarixiy weqelerni yalghanchiliq siyasitining qorali qiliwatidu. bu lobining birdinbir meqsiti, qayta -  qayta namayan bolghinidek, türkiye - erméniye munasiwitining normallishishigha tosqunluq qilish. bu shaykilarning paaliyetliri atatürk we türkiye jumhuriyiti aldida héchnémige erzimeydu. bu shaykilargha bash egkenlerge nomus» dégenlerni qeyt qildi.