erdoghan: firansiyediki weqelerning yiltizida mustemlikichilik bar
türkiye jumhur reisi rejep tayyip erdoghan firansiyede bir saqchining aljiriye pushtidin bolghan yashni étip öltürüshidin kéyin partlighan namayishlar üstide toxtilip: «firansiyediki weqelerning yiltizida mustemlikichilik bar» dédi.
türkiye awazi radiyosi xewiri: jumhur reis rejep tayyip erdoghan kabént yighinidin kéyin bayanat élan qildi.
u firansiyede ötken hepte saqchilarning aljiriye pushtidin bolghan bir yashni étip öltürüshidin kéyin partlighan namayishlarning yiltizida mustemlikichilikning barliqini bildürüp: «zorawanliq zorawanliqni peyda qilip, bügünki weqelerge seweb boldi. tarixtikige oxshash, shamal chiqarghanlar boran-chapqungha duch kéliwatidu. biz endishe ichide közitiwatqan firansiyediki weqelerning köp qan aqmastin we zorawanliqlar téximu zoraymastin baldurraq axirlishishini tileymiz» dédi.
u ammining mal-mülkige ziyan sélishni, kochilargha ot qoyup, weyran qilinishini, magézinlarning bulang-talang qilinishini eyibleydighanliqlirini, kochida yüz bergen weqelerning qanuniy heq-hoquq telep qilish usuli bolalmaydighanliqini eskertip, mundaq dédi:
«shundaqtimu bu ijtimaiy partlashtin mustebitlerning sawaq élishi kérekliki nahayiti éniq. yüz bergen weqelerning köchmenlerge qaritilghan yéngidin bésim qilish, mejburlash we qorqitish dolqunlirigha seweb bolushidin endishe qilimiz» dédi.
