türkiye sudanda muhasiride qalghanlarni tarqaqlashturush xizmiti doklatini élan qildi
sudanda sudan armiyesi bilen téz yardem bérish qisimliri otturisida 15 – apréldin buyan dawamlishiwatqan toqunushlar sewebidin, türkiye hazirghiche 1961 nepiri türkiye puqrasi bolup, jemiy 2382 ademni tarqaqlashturdi.
türkiye awazi radiyosi xewiri: türkiye jumhuriyiti tashqi ishlar ministirliqi twittérdiki adrésida, türkiyening sudandin tarqaqlashturush xizmetlirige dair eng yéngi istatistikilarni élan qildi.
uchurda, «biz bügüngiche 1961 puqramizni öz ichige alghan jemiy 2382 ademni tarqaqlashturduq. tarqaqlashturush tirishchanliqimizni qollighan barliq organlirimizgha rehmet éytimiz. biz her daim puqralirimizning yénida» dégen ibarilerge orun bérildi.
hembehrilengen girafiktiki istatistikigha qarighanda, türkiye sudandin 1961 türkiye puqrasi bilen bashqa 24 döletning 421 puqrasi bolup, jemiy 2382 ademni tarqaqlashturghan.
yene bir tereptin, tarqaqlashturulghanlarning 1478 ining éfiyopiye arqiliq, 48 ining misir arqiliq, 59 ining seudi erebistan arqiliq ishqa ashurulghanliqi, 715 ademning sudan porti, 82 ademning xartum wadi seydnadin herbiy ayropilan bilen tarqaqlashturulghanliqi qeyt qilindi.
مۇناسىۋەتلىك خەۋەرلەر
iraqning shimalida 15 térrorchi bir terep qilindi
iraqning shimalida yéqinqi bir hepte ichide 15 térrorchi bir terep qilindi.
