türkiye milliy istixbarat idarisi p k k gha ejellik zerbe berdi
türkiye milliy istixbarat idarisi chet elde yene bölgünchi térrorluq teshkilati p k k gha ejellik zerbe berdi.
türkiye awazi radiyosi xewiri: tutush buyruqi chiqirilghan térrochilar tizimlikining külreng katégoriyesige kirgüzülgen bölgünchi térrorluq teshkilati p k k/k j k ezasi fehmi ögmen we bashqa ikki térrorchi bir terep qilindi.
türkiye milliy istixbarat idarisi iraqning sulaymaniye shehirining chemchemal yézisida bölgünchi térrorluq teshkilati p k k gha qarshi herbiy heriket élip bardi.
türkiye milliy istixbarat idarisi aldi bilen bölgünchi térrorluq teshkilati p k k ning kattibashlirini, ularning qurghan yerlik axbarat torini teqib qildi, andin sahediki xadimlirining wasitisi arqiliq bölgünchi térrorluq teshkilati p k k ezalirining mexpiy bir rayonni ishlitiwatqanliqini éniqlap chiqti. jümlidin, tutush buyruqi chiqirilghan térrochilar tizimlikining külreng katégoriyesige kirgüzülgen bölgünchi térrorluq teshkilati p k k/k j k ezasi fehmi ögmenning bu rayonda ikenlikini éniqlap chiqti.
arqidin, 1993 – yili bölgünchi térrorluq teshkilati p k k ning sépige qétilghan, uzun yillar térrorluq paaliyetlirini élip barghan, türkiyediki nurghun térrorluq hujumlirini biwasite teshkilligen térrorluq teshkilatining atalmish kattibashliridin fehmi ögmenge qarshi heriketke ötüldi.
herbiy heriket dawamida, fehmi ögmen bilen birlikte bölgünchi térrorluq teshkilati p k k ning atalmish bataliyon ofitséri mehmet salih chaqal we ularning shopuri ehmed muhemmed elimu bir terep qilindi.
