erdoghan: nishanimiz bixeterlik we tinchliq belbéghi berpa qilish

türkiye awazi radiyosi xewiri: jumhur reis erdoghan paytext enqerediki türkiye soda – sanaetchiler we karxanichilar birlikining 79 - nöwetlik omumiy kéngesh yighinida qilghan sözide, türkiye duch kéliwatqan mesililerni ortaq eqil – parasetke tayinip hel qilidighanliqlirini tekitlep mundaq dédi: «xudayim buyrusa, soda dunyasi, ammiwi teshkilatlar we siyasiy organlar bilen zich hemkarliship, bir niyet bir meqsette türkiyening 100 yilliq qutluq dewri nishanimizgha birlikte yétimiz.»

erdoghan bir izda toxtap qalghan iqtisadiy tereqqiyat we bu jeryanda otturigha chiqqan ziyanning ornini toldurush yolida qedem tashlash iradilirining qetiylikini eskertip mundaq dédi: «xelqimizni pul paxalliqi zulmidin qutuldurush siyasitimizge qetiy sadiqmiz. öz waqtida dölitimiz duch kelgen pul paxalliqi kirizisini biz hel qilghaniduq, yene biz hel qilimiz.  yer shariwi iqtisadiy dawalghushlar peseygende buning ijabiy netijilirini körimiz.»

jumhur reis erdoghan ichki kabinét shekillengendin kéyin téz sürette chet el ziyaretlirini bashlaydighanliqini, türkiyege ziyaretke kélidighan dunya rehberliriningmu barliqini tekitlep mundaq dédi: «nishanimiz yawropadin qaradéngizghiche, kawkaz rayoni we ottura sherqtin shimaliy afriqaghiche türkiye etrapida bixeterlik we tinchliq belbéghi berpa qilishtur.»

erdoghan yéqinqi mezgillerde siyasiy tehdit mesilisige aylinip qalghan wiza mesilisini téz hel qilidighanliqlirinimu sözlirige ilawe qildi.