erdoghan: shiwéytsiyening natogha eza bolushigha ijabiy qarimaymiz
dölitimiz (türkiye jumhuriyiti) jumhur reisi rejep tayyip erdoghan térrorluq teshkilatini qollashni toxtatmighuche shiwéytsiyening shimaliy atlantik ehdi teshkilatigha eza bolushigha ijabiy qarimaydighanliqlirini éytti.
türkiye awazi radiyosi xewiri: jumhur reis erdoghan «‹CNN International› téléwiziye qanili» ning riyasetchisi béki andérsonning soallirigha jawab berdi.
erdoghan türkiyening shiwéytsiyening shimaliy atlantik ehdi teshkilatigha eza bolushini qollap qollimaydighanliqigha dair soalgha mundaq jawab berdi: «biz hazir shiwéytsiyening shimaliy atlantik ehdi teshkilatigha eza bolushigha ijabiy qarimaymiz. shiwéytsiye bu dölettiki térrorluq teshkilatlirining gumashtilirini, stokholm kochiliridiki gumashtirilini qollashni dawamlashturghan teqdirde, bizning shiwéytsiyening shimaliy atlantik ehdi teshkilatigha eza bolushigha ijabiy qarishimiz mumkin emes. shiwéytsiye bu mesilini hel qilishi kérek. chünki shimaliy atlantik ehdi teshkilatigha eza herqandaq bir dölet térrorizmgha qarshi küreshni qetiy dawamlashturushi kérek. térrorchilarning shimaliy atlantik ehdi teshkilatigha eza herqandaq bir döletke qarshi bundaq parakendichilik sélishigha qetiy yol qoymasliqimiz lazim. derweqe, shimaliy atlantik ehdi teshkilatining alahidilikimu del mushu.»
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.