mudapie ministirliqi 19 - may atatürkni xatirilesh, yashlar we tenterbiye bayrimini tebriklidi

türkiye awazi radiyosi xewiri: türkiye jumhuriyiti dölet mudapie ministirliqi ijtimaiy taratqudiki adrésida ghazi mustapa kamal atatürkning «méning barliq ümidim yashlarda» dégen sözini téma qilip hembehriligen sin körünüshlük uchurida: «biz wede berduq, téximu tiriship ishleshke؛ wede berduq, wetinimizni qoghdashqa؛ wede berduq, tupraqqa hayatliq béghishlashqa؛ wede berduq, atatürkke. bash qomandanimiz mustapa kamal atatürk bashliq milliy kürishimizning qehrimanlirigha, shéhitlirimizgha we ghazilirimizgha allahtin rehim – shepqet tileymiz, ularni hörmet we minnetdarliq bilen esleymiz» dégen ibarilerge orun berdi.

büyük rehber atatürkning «yashlar, wetenning barliq ümidi we kelgüsi silerge, yash ewladlarning ang we énérgiyesige baghliq» dégen sözliri bilen bashlinip, «anitqabir (atatürk xatire sariyi)»ning süriti we «19 - may atatürkni xatirilesh, yashlar we tenterbiye bayrimi mubarek bolsun» dégen ibariler bilen axirlashqan sin körünüshide, milliy mujadile dewri we türkiye armiyesining bügüni teswirlengen foto – süretlerge orun bérildi.