altun amérika tashqi ishlar ministirliqi bayanatchisining pozitsiyesige naraziliq bildürdi
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun türkiyening öz menpeetini qoghdaydighan, puqralirigha qilinghan naheqchiliklerning hésabini choqum soraydighan chong dölet ikenlikini éytti.
türkiye awazi radiyosi xewiri: amérika tashqi ishlar ministirliqining muawin bayanatchisi wédant patél TRT World qanilining washingitonda turushluq muxbirining gérmaniyening bimene bir qarargha asasen, türkiyelik ikki zhurnalistni nazaret astigha élishigha amérikaning qandaq pozitsiye bildüridighanliqi toghrisidiki soalini jawabsiz qaldurdi.
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun patélning soalni jawabsiz qaldurushigha naraziliq bildürdi؛ u ijtimaiy taratqudiki adrésida gérmaniyening bu qedemni türkiye taratqulirining muxbirlirini jimiqturush üchün tashlanghanliqini tekitlep: «jumhur reis rejep tayyip erdoghanning küchlük rehberlikidiki türkiyening öz menpeetini qoghdaydighan, puqralirigha qilinghan naheqchiliklerning hésabini choqum soraydighan chong dölet ikenlikini xushalliq bilen hezm qilisiler» dédi.
gherbning qosh ölchemlik pozitsiyelirige isharet qilip ötkendin kéyin, (gérmaniyening) türkiyelik zhurnalistlarni zerbe nishani qilghan herikitini qobul qilghili bolmaydighanliqini tekitlep: «gérmaniyede qanunluq shekilde zhurnalistliq wezipisini ada qiliwatqan türk médiya mensuplirigha qarshi sadir qilinghan bu epsuslinarliq qilmishni qobul qilish mumkin bolmighandek, uninggha süküt qilishnimu qetiy qobul qilghili bolmaydu. yüzlerche chet ellik médiya mensupi meshghulatlirini erkin – azade élip bériwatqan türkiyege sawaq bérishke urunghanlar, bügün qimmet qarashlirining heqiqiy mahiyitini roshen ashkarilidi» dégenlerni qeyt qildi.
