shirnaktin qayghuluq xewer keldi
shirnakning bestler dereler rayonida tünügün (15-may) térrorluqqa qarshi bashlanghan herikette, üch esker shéhit boldi.
türkiye awazi radiyosi xewiri: shirnakning bestler dereler rayonida bashlanghan herbiy heriketlerde üch térrorist bir terep qilindi. bu jeryanda, bextke qarshi üch esker shéhit boldi, bir amanliq saqlash xadimi éghir yarilandi.
ichki ishlar ministirliqining bu heqtiki bayanatida, bügün (16-may) dawamlashqan herbiy heriketlerde bir bulunggha qistalghan bir guruppa térroristlar bilen étishish yüz bergenliki eskertildi.
bayanatta mundaq déyildi:
«étishishlarda ikki térrorist ujuqturuldi. buning bilen, herbiy heriketlerde ujuqturulghan térroristlarning sani üchke yetti.»
bayanatta yene, üch eskerning shéhit bolghanliqi we bir amanliq qoghdighuchining éghir yarilanghanliqi eskertilgen halda, shéhitlerge allahtin rehmet, aililiri we yéqin-yoruqlirigha sewr, yarilanghanlargha allahtin shipaliq tilendi.
