türkiyening xartumdiki diplomatliri sudan portigha orunlashti
ministir mewlüt chawushoghlu bir xususiy téléwiziye qanilining neq meydan söhbet pirogrammisigha qatniship, küntertiptiki mesililerge munasiwetlik soallargha jawab berdi.
türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu sudanda 15 – apréldin buyan dawamlishiwatqan toqunushlar tüpeyli türkiyening xartumdiki elchixanisi xadimlirining port sudan (sudan purti)gha yétip barghanliqini bildürdi.
sudandiki toqunushlarning kocha urushlirigha aylinip ketkenlikini bildürgen chawushoghlu, türkiyening xartumdiki elchixanisi jaylashqan mehelle we kochilarda shiddetlik toqunushlarning dawam qiliwatqanliqini éytti.
u elchixanini waqitliq sudan portigha yötkeshni qarar qilghanliqlirini, elchixana xizmetchilirining bügün sudan portigha yétip kelgenlikini bildürdi.
ministir mewlüt chawushoghlu 6 - may köchüshke teyyarliq qiliwatqan jeryanda elchixana mashinisigha oq chiqirilghanliqini, nurghun oqning elchixana mashinisigha tegkenlikini eskertip: «ular hetta téximu küchlük qorallarnimu sinap baqti. ayropilanimizmu hujumgha uchridi. emeliyette, biz bu yerde terep tutmaymiz. her ikki terepning bizge hörmiti bar. goya bu yerde bashqa bir küch bizni ishning ichige sörep kirmekchi boluwatqandek qilidu. u yerde gherblikler bar, terep tutuwatqan rayon döletlirimu bar» dégenlerni sözlirige ilawe qildi.
مۇناسىۋەتلىك خەۋەرلەر
