chawushoghlu moskwada lawrow bilen körüshti
dölitimiz (türkiye jumhuriyiti) diplomatiye ministiri mewlut chawushoghlu rusiyening paytexti moskwada ötküzülidighan «süriye kirizisi» témiliq tashqi ishlar ministirliri yighini harpisida, rusiye tashqi ishlar ministiri sérgéy lawrow bilen körüshti.
türkiye awazi radiyosi xewiri: tashqi ishlar ministiri mewlut chawushoghlu ammiwi ortaqlishish tor béti Twitter sehipiside bu heqte élan qilghan bayanatida, rusiye tashqi ishlar ministiri sérgéy lawrow bilen élip barghan söhbitide, süriye, ukraina we kawkaz rayonidiki özgirishler heqqide muzakire élip barghanliqini qeyt qildi.
türkiye, rusiye, iran we süriyediki beshshar esed hakimiyitining tashqi ishlar ministirlirining «süriye kirizisi» témiliq yighinida, süriye bilen diplomatik munasiwetlerni normallashturush heqqide özara pikir almashturulushi, térrorizmgha qarshi küresh, siyasiy basquch, süriyelik musapirlarning öz dölitige ixtiyari yosunda, insaniy izzet – hörmiti qoghdalghan asasta bixeter halda qaytishigha kapaletlik qilishni öz ichige alghan insanperwerlik mesililirining muzakire qilinishi kütülmekte.
