iraqning shimalida térrorchilargha ejellik zerbe bérildi
iraqning shimalidiki gara rayonida bölgünchi térrorluq teshkilati p k k/k j k ning atalmish alahide qisim eshya oboroti kattibéshi nechirwan séwén bir terep qilindi.
türkiye awazi radiyosi xewiri: türkiye istixbarat idarisining iraqning shimalidiki gara rayonida élip barghan zerbe bérish herikiti dawamida, bölgünchi térrorluq teshkilati p k k/k j k ning atalmish alahide qisim eshya oboroti kattibéshi nechirwan séwén bir terep qilindi.
melumatlargha qarighanda, «firaz zilan» leqemlik néchirwan séwén türkiyening herqaysi jayliridiki kocha namayishliri we dölet xewpsizlik küchlirige qarshi hujumlargha qatnashqan.
mezkur térrorchining 2015-yili bölgünchi térrorluq teshkilati p k k/k j k ning yéza kadirlirining sépige qétilghanliqi éniqlap chiqilghan.
térrorchi séwén iraqning shimaligha ötkendin kéyin élip barghan térrorluq heriketliri we eshya oboroti paaliyetliridiki roli seweblik türkiye istixbarat idarisi teripidin teqib astigha élinghan.
türkiye istixbarat idarisi iraqning shimalidiki gara rayonida élip barghan zerbe bérish herikiti dawamida térrorchi séwénni bir terep qilghan.
yene bir tereptin, türkiye armiyesi iraqning shimalida térrorchilar ishletken ghar, öngkür we we panahlinish orunlirigha bir-birlep kirishni dawamlashturmaqta.
türkiye dölet mudapie ministirliqining bildürüshiche, türkiye armiyesining «penche qulup» herbiy herikiti rayonida térrorchilar ishletken ghar, öngkür we panahlinish orunlirida nurghun partlatquch buyum, qoral - yaragh we oq-dora qatarliqlar qolgha chüshürülgen.
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.