erdoghan türkiyening judining gabar rayonida zor miqdarda néfit bayqighanliqini jakarlidi

türkiye awazi radiyosi xewiri: jumhur reis erdoghan tünügün (2-may) konyada söz qilip, özlirining bultur dunyadiki quruqluqta élip bérilghan 10 chong bayqashning birini emelge ashurghanliqlirigha isharet qilghan halda: «dölitimizning buningdin 6–5 yil ilgiriki kündilik texminen 40 ming waril bolghan ishlepchiqirish miqdari bir qatlinip 80 ming warilgha yetti. hazir men siler bilen yéngi bir xush xewerni ortaqlishimen. biz judi gabarda künige 100 ming waril ishlepchiqirish iqtidarigha ige néfitlik bayqiduq. jizrege 20 kilométir kélidighan yerdiki bu néfit zapisining süpiti nahayiti yuqiri.

biz yerning 2600 métir chongqurluqida bayqighan néfitni rayonda burghilaydighan 100 quduq arqiliq 100 ming waril ishlepchiqirish iqtidarigha yetküzeleymiz. birinchi quduqtin alghan néfitni chekkilesh üchün ewetishke bashliduq. öz aldigha kündilik istémalimizning ondin birini qamdaydighan bu néfit zapisining dölitimiz we xelqimiz üchün paydiliq bolidighanliqida shübhe yoq» dédi.

mezkur rayondin yéngi xush xewerlerning kélishini kütüwatqanliqini bildürgen erdoghan: «gabardiki quduqqa bölgünchi teshkilat teripidin rehimsizlerche öltürülgen shéhit oqutquchimiz aybüke yalchinning ismini qoyduq. shu rayondiki künige 9 ming waril néfit ishlepchiqirilidighan yene bir quduqqa partlatquch mutexessisi ofitsér shéhit esma chewikning ismini qoyghaniduq. yéngi sahemiz shéhit aybüke <1-yalchin> qudiqmiz, inshaallah, bizni dölitimizning her qaysi jayliridin chiqirilghan néfittinmu köp néfit bilen teminleydu.

shundaq qilip, hazirche kündilik 180 ming wril néfit ishlepchiqirish miqdari bilen dölitimizning énérgiye musteqilliqi yolida yéngi bir qedem tashlighan bolduq. biz nöwette zapaslirimizning omumiy qimmiti heqqide toxtalmaydighan halgha kelduq. bolmisa, bizning gabardiki yéngi bayqishimizning qimmiti nechche milyard dollargha yétidu. qara déngiz gazimizning qimmiti nechche yüz milyard dollarlar bilen ipadiliniwatidu» dégenlerni qeyt qildi.