erdoghan istanbulda yer tewresh apitige uchrighan ösmürler bilen bir yerge jem boldi
jumhur reis rejep tayyip erdoghan istanbul dolmabahche sariyidiki ishxanisida 23-aprél milliy igilik hoquqi we balilar bayrimi munasiwiti bilen yer tewresh apitige uchrighan ösmürlerni kütüwaldi.
türkiye awazi radiyosi xewiri: erdoghan 6-féwraldiki yer tewreshning azabigha melhem bolush üchün döletning barliq imkaniyetlirini seperwer qilghanliqlirini bildürüp: «biz mushu bir yil ichide yer tewreshke uchrighan xelqimizning normal turmushini eslige keltürimiz» dédi.
erdoghan yene mundaq dédi:
«tünügün (23-aprél) men qahramanmarashta idim. uningin kéyin ghaziantep, nur téghida boldum. pütken kent öylirini tapshurduq. biz qahramanmarashtimu oxshashla yer tewresh apitige uchrighuchilar bilen bir yerge jem bolduq. jénidin ayrilghan kishilirimizni qayturup kélelmeymiz. emma, yer tewreshte shéhit bolghanlar we ularning amanetlirige ige chiqalaymiz. yer tewreshte shéhit bolghanlar we ularning amanetlirige wapayimizni, jumhuriyitimizning yéngi esri «türkiye esri» ni emelge ashurush arqiliq körsiteleydighanliqimizgha shundaqla heqqini ada qilalaydighanliqimizgha ishinimiz»
مۇناسىۋەتلىك خەۋەرلەر
türkiye urush paraxotliri qibris portlirigha lengger tashlaydu
türkiye urush paraxotliri shimaliy qibris türk jumhuriyiti (KKTC) portlirini ziyaret qilidu.
