türkiyening balilar nopusi yawropaningkidin xélila yuqiri
ötken yili (2022) ning axirighiche 22 milyon 578 ming 378 dep békitilgen türkiyening balilar nopusi, dölet nopusining %26.5 ni teshkil qildi.
türkiye awazi radiyosi xewiri: türkiye istatistika idarisi 2022-yildiki balilar istatistika reqemlirini élan qildi.
adrésni asas qilghan nopus tizimlash sistémisining netijisige qarighanda, 2022-yilining axirighiche türkiyening nopusi 85 milyon 279 ming 553 bolup, buning 22 milyon 578 ming 378 i bala.
balilar nopusining %51.3 i oghullar, %48.7 i qizlar.
yawropa ittipaqigha eza 27 döletning balilar nopusi analiz qilinghanda, yawropa ittipaqining 2022-yildiki balilar nopusining otturiche nisbiti %18.1 bolghan.
yawropa ittipaqigha eza döletler ichide, balilar nopusi eng köp döletlerdin irélandiyede %23.6, firansiyede %21.3, shiwétsiyede %21 iken.
balilar nopusi eng töwen döletlerdin tertipi bilen italiyede %15.6, portugaliyede %15.8, maltada %15.9 iken.
türkiyening balilar nopusining nisbiti %26.5 ikenliki we yawropa ittipaqigha eza döletlerningkidin yuqiri ikenliki bildürüldi.
