sulayman soylu térorluq teshkilati p k k ni dölet ichide yiltizidin qomurup tashlighanliqini éytti
ichki ishlar ministiri sulayman soylu térorluq teshkilati p k k ni dölet ichide yiltizidin qomurup tashlighanliqini we ularning döletke qayta kirishige qetiy yol qoymaydighanliqini éytti.
türkiye awazi radiyosi xewiri: sulayman soylu istanbulda qatnashqan bir programmida térorluqqa qarshi élip bérilghan muweppeqiyetlik küresh heqqide toxtaldi. türkiyening siyasiy muqimliqining ilgiri köp qétim buzulghanliqini bildürüp, térrorluq weqeliride hayatidin ayrilghan kishilerdin bashqa yene, öy, meschit, kutupxanilarningmu köydurulgenliki we örüp tashlanghanliqini, sheherlerning soda, iqtisad, sehiye shundaqla maarip hayatigha buzghunchiliq qilinghanliqini eskertti.
sulayman soylu jumhur reis rejep tayyip erdoghanning apettin kéyin sheherlerni eslige keltürüsh bilenla cheklinip qalmighanliqini tekitlep, «(jumhur reisimiz) sherqte we sherqiy jenubta yüz bergen bu xil naheqchiliqlardin kéyin u yerdiki xelqni yalghuz tashlap qoymidi. ularni tik turghuzdi. döletning, milletning mewjutluqini we illiqliqini köpchilikke, shundaqla döletning eng yiraq bulunglirighiche yetküzüsh üchün küch chiqardi» dédi.
sulayman soylu térorluqtin tazilanghan rayonlardin emdilikte néfit chiqirilip, iqtisadqa töhpe qoshuliwatqanliqini éytti.