imeje süniy hemrahi bügün qoyup bérilidu

türkiye awazi radiyosi xewiri: sanaet we téxnologiye ministirliqining yazma bayanatida qeyt qilinishiche, tübitak (türkiye pen- téxnika tetqiqat orgini) teripidin layihelengen imejening alemge qoyup bérilishi üchün tetür sanaq bashlanghan.

imeje ikki qétimliq kéchiktürülüshtin kéyin, bügün enqere waqti 9 din 48 minut ötkende amérikaning wandénburg alem bazisidin qoyup bérilidu.

enqerediki tübitak alem merkizide, sanaet we téxnologiye ministiri mustafa warank, jumhur reislik mehkimisining istratégiye we xamchot ishliri idarisining bashliqi ibrahim shenel, mudapie sanaiti idarisining bashliqi ismail demir, reqemlik özgertish ishxanisining bashliqi eli taha koch we tübitak bashliqi hesen mandal qatarliqlarning qatnishishi astida imejeni qoyup bérish murasimi ötküüzlidu.

imeje süniy hemrahi besh yil boyiche nishanni perqlendürüsh, bayqash, tebiiy apet we déhqanchiliq ijraatliri qatarliq nurghun sahelerde döletke xizmet qilidu.

imeje süniy hemrahi dunyaning her qandaq yéridin resim we sénlargha érisheleydu.