erdoghan reisi bilen téléfonlashti

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis erdoghan bilen pirézidént reisi téléfonliship, türkiye – iran munasiwiti we israiliyening mesjidi eqsagha qilghan hujumi qatarliq rayon xaraktérlik özgirishler toghrisida sözleshken.

jumhur reis erdoghan söhbet jeryanida, israiliyening mesjidi eqsani öz ichige alghan pelestindiki künséri éghirliship bériwatqan insan qélipidin chiqqan hujumlirigha qarshi islam dunyasining birlik hasil qilishining muhimliqini tekitligen.

erdoghan yéngi bir zorawanliq dolqunining aldini élish üchün, ortaq eqilning üstünlükni igilishi kéreklikini tekitlep, barliq tereplerni ortaq tonush etrapigha uyushup qedem tashlashning paydiliq ikenlikini éytqan.

islam hemkarliq teshkilati we birleshken döletler teshkilati qatarliq xelqara supilarda muqeddes jaylarning salahiyitini qoghdash üchün ortaq heriket qilishqa chaqirghan jumhur reis erdoghan, bu hemkarliqning yawropaning her qaysi sheherliride, bolupmu türkiye elchixaniliri aldida yéqinqi mezgillerde sadir qilinghan quran kerimni köydürüsh qilmishlirigha qarshi namayan qilishningmu nahayiti muhimliqini tilgha élip ötken.