erdoghan nowak bilen qoshma muxbirlarni kütüwélish yighini ötküzdi

türkiye awazi radiyosi xewiri: jumhur reis erdoghan paytext enqerediki pirézidéntliq mehkimisi binasida türkiyede dölet ishliri ziyaritide boluwatqan wéngiriye pirézidénti katalin nowak bilen ayrim we ikki terep uchrishishi ötküzgendin kéyin, qoshma muxbirlarni kütüwélish yighini orunlashturdi.

nowakning 6 - féwraldiki yer tewresh apitidin kéyin hemkarliq rohini namayan qilish we ikki dölet hemkarliqini muzakire qilish üchün enqerege kelgenlikini bildürgen erdoghan, wéngiriye hökümiti bilen dost wéngiriye xelqining qollap – quwwetliki we qilghan yardemliri üchün rehmet éytti.

u nowak bilen türkiye - wéngiriye munasiwitining her qaysi tereplirini muzakire qilghanliqlirini؛ bu dairide soda, herbiy, iqtisadiy we medeniyet sahesidiki munasiwetlerni muhakime qilish pursitige érishkenliklirini bildürdi.

söhbet jeryanida,  istratégiyelik shériklik munasiwiti asasida türkiye - wéngiriye munasiwitini téximu kücheytish toghrisidiki ortaq iradining jezmleshtürülgenlikini tilgha alghan erdoghan, 6 – nöwetlik yuqiri derijilik istratégiyelik hemkarliq kéngishi yighinining dékabir éyida wéngiriye paytexti budapéshtta échilidighanliqini éytti.

jumhur reis erdoghan ezerbeyjan bilen türkiyening «trans anadolu tebiiy gaz turuba liniyesi — tanap» arqiliq wéngiriyeni tebiiy gaz bilen teminlesh üchün her qandaq yardemni qilishqa teyyar ikenlikini qeyt qildi.