emine erdoghan amérikada uchrishishlarda bolmaqta
jumhur reis rejep tayyip erdoghanning ayali emine erdoghan b d t ning «30-mart xelqara nöl exlet küni» alahide yighinigha qatnishish üchün amérikaning nyu york shehirige yétip bardi.
türkiye awazi radiyosi xewiri: emine erdoghan nyu yorkta ezerbeyjan milliy mejlisi reisi sahibe ghafarowa bilen körüshti.
emine erdoghanning ghafarowa bilen nyu yorktiki türk öyide ötküzgen uchrishishigha, tashqi ishlar ministiri mewlut chawushoghlumu qatnashti.
emine erdoghan uchrishishqa munasiwetlik twittér adrésida hembehirligen uchurida: «biz nöl exletke dair tejribilirimizni ortaqlashtuq. muhit mesilisining dunyadiki barliq döletlerning mesuliyiti ikenliki shundaqla kilimat kirizisigha qarshi ortaq küreshte birdek pikirge igemiz» dédi.
b d t omumiy kéngishi 2022 - yili 12-ayning 14-küni türkiye asasliq teklip sunghuchisi bolghan we jemiy 105 dölet birlikte sunghan «nöl exlet» qararini maqullighan idi.
omumiy kéngeshning bu qarari bilen 30-mart «xelqara nöl exlet küni» dep élan qilinghan idi.
