erdoghan: bir yil ichide apet rayonlirini eslige keltürimiz
türkiye jumhur reisi rejep tayyip erdoghan bir yil ichide 650 ming turalghu sélip, apet rayonlirini eslige keltürüshni nishan qilghanliqlirini bildürdi.
türkiye awazi radiyosi xewiri: jumhur reis rejep tayyip erdoghan istanbulning büyükchemeje rayonida apetke uchrighanlar bilen körüshti.
u 6-féwral 11 wilayette yashawatqan 14 milyon kishige biwaste tesir körsetken qahranmarash yer tewresh apetliride, döletning pütkül idare-organlirini we imkaniyetlirini apet yüz bergen rayonlar üchün seperwerlikke keltürgenliklirini qeyt qildi.
u xelqningmu ijtimaiy teshkilatlar we özlirining tirishchanliqi bilen deslepki kündin tartipla apetke uchrighanlargha yardem qilghanliqini bildürüp: «dost we qérindash döletler shundaqla xelqara yardemlerni hergiz untumaymiz. meqsitimiz, bir yil ichide ul-esliheliri, barliq ijtimaiy we soda orunliri bilen 319 ming turalghu, jemiy 650 ming turalghu sélip, apet rayonlirini eslige keltürüsh. sheherlirimizde tarixiy we medeniyet qurulmisigha muwapiq halda puxta we bixeter binalarni salimiz» dédi.
u puxta binalarning pütüshi bilen, bu sheherlerning aldida yipyéngi dewrning bashlinidighanliqini eskertti.
u xelqning ittipaqliq, barawerlik we qérindashliq pezilitining qanchilik küchlük ikenlikini yer tewresh apetliride yene bir qétim körgenliklirini bildürdi.
