xulusi aqar daniyede quran kerimge we türkiye bayriqigha qilinghan hujumni eyiblidi
dölet mudapie ministiri xulusi aqar daniyede quran kerimge we türkiye bayriqigha qilinghan hujumni eyiblidi.
türkiye awazi radiyosi xewiri: dölet mudapie ministiri xulusi aqar hataydiki chégra saqchi ponkitida küntertiptiki mesililer üstide toxtaldi.
xulusi aqar türkiyening daniyediki elchixanisi aldida quran kerimge we türkiye bayriqigha qilinghan hujumni eyiblep: «bularni qattiq eyibleymiz we lenet oquymiz. buni her qandaq shekilde pikir erkinliki dep chüshendürgili bolmaydu. atalmish pikir erkinliki namida qilinghanliqini tilgha éliwatqanlar heqiqeten chong xataliq ichide turmaqta» dédi.
xulusi aqar bu xil ighwagerchiliklerge köz yumush we yol qoyushning insaniyetke xilap, nepret jinayitige shérik bolghanliq bolidighanliqini tekitlidi.
dölet mudapie ministiri xulusi aqar: «shimaliy atlantik ehdi teshkilatidiki ittipaqdashlirimizdin shundaqla ittipaqdash bolushqa kandidat bolghanlardin bu mesilige téximu sezgür muamile qilishini, bu qilmishlar bilen shughullanghan mexluqlargha derhal kéreklik jaza bérish we medeniyetlik döletler yolgha qoyidighan tedbirlerge oxshash tedbirlerni yolgha qoyushi kéreklikini alahide eskertishni xalaymen» dédi.