türkiye amérika tashqi ishlar ministirliqining kishilik hoquq doklatigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi amérika tashqi ishlar ministirliqining yéngi élan qilinghan 2022-yilliq kishilik hoquq doklati toghrisida yazma bayanat élan qilip: «ilgiriki yillardikige oxshashla, doklatta dölitimiz heqqide menbesi éniqsiz asassiz uchurlar, orunsiz eyibleshler we bir tereplime qarashlargha orun bérilgen bolup, biz bularni eyibleymiz we pütünley ret qilimiz» dédi.

bayanatta: «dölitimiz we rayonimizning bixeterliki üchün, p k k / p y d / y p g, fethullahchi térrorluq teshkilati, daésh we DHKP-C qatarliq térrorluq teshkilatlirigha qarshi kürishimiz xelqara qanun we kishilik hoquqqa hörmet qilish ramkisi ichide qetiylik bilen dawam qilmaqta. wehalenki, biz bu adil kürishimizning burmilanghan halette doklatqa kirgüzülüshini qobul qilmaymiz» dégen ibarilerge orun bérildi.  

bayanatta yene: «doklatta, p k k ning 2022 – yili dölitimizde sadir qilghan térrorluq hujumliri we yoshurush mumkin bolmaydighan kishilik hoquq depsendichiliklirining peqet bir qismighila orun bérilishi bizni epsuslandurdi. atalmish <süriye démokratik küchliri>ning süriyede sadir qilghan kishilik hoquq depsendichiliklirige doklatning süriyege munasiwetlik qismida orun bérilip, bu qurulmining p k k / p y d / y p g ning kontrolluqida ikenlikining tilgha élinmasliqi ghelite ehwal hésablinidu... biz bu doklatning p k k / p y d / y p g we fethullahchi térrorluq teshkilatigha oxshash térrorluq teshkilatlirining paaliyetlirige köz yumush bilenla qalmay, ular bilen hemkarliq ornitidighan bir dölet teripidin teyyarlanghanliqini köpchilikning diqqitige sunimiz we amérikani diqqitini özining kishilik hoquq xatirisige merkezleshtürüshke chaqirimiz» déyildi.