erdoghan: türkiye ashliq mesiliside nahayiti zor muweppeqiyetlerni qolgha keltürdi
dölitimiz (türkiye jumhuriyiti) jumhur reisi rejep tayyip erdoghan xususiy téléwiziye qanallirining neq meydan pirogrammisida, zhurnalistlarning soallirigha jawab berdi.
türkiye awazi radiyosi xewiri: jumhur reis erdoghan türkiyening rusiye – ukraina urushi mezgilide diplomatiye saheside nahayiti zor muweppeqiyetlerni qolgha keltürgenlikini éytti.
erdoghan rusiye – ukraina urushi mezgilide türkiyening muressechilik rolini oynighan birdinbir dölet ikenlikini, qaradéngiz ashliq karidori mesiliside türkiyening qolgha keltürgen muweppeqiyetlirining pütkül dunya jamaetchilikige besh qoldek ayan ikenlikini tekitlidi.
jumhur reis erdoghan mundaq dep körsetti: «hetta rusiye pirézidénti wladimir putin bilen bolghan uchrishishlirimizmu hemmige ayan. pirézidént putin <ashliq karidoridin ashliq ewetey, lékin ularning ٪44 i bu yerdin yawropagha kétiwatidu, bundaq bolmasliqi kérek. biz ashliqni tereqqiy qilmighan afriqa döletlirige eweteyli> dédi. men uninggha: <undaqta siler ashliqni ewetinglar, biz bu ashliqni bu yerde awwal ungha aylanduayli, andin bu yerdin tereqqiy qilmighan döletlerge eweteyli> dédim. putin bilen arimizda mushundaq ortaq tonushimiz bar. 3 – 2 kün ichide pirézidént putin bilen téléfonda körüshimiz. shuni alahide tekitlep ötimenki, tereqqiy qilmighan döletlerning oghutqa éhtiyaji bar. biz ularni yene oghut bilen teminleymiz. dunya bazarliri we tereqqiy qilmighan döletlerge oghut ewetish arqiliq ularning qiyinchiliqini yenggillitishke tirishimiz.»
