türkiye pakistandin hal soridi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu pakistan bash ministiri shahbaz sherif we tashqi ishlar ministiri bilawal butto zerdari bilen téléfonliship, yer tewreshning zerbisige uchrighan pakistandin hal soridi we apette qaza qilghanlargha teziye bildürdi.

türkiye jumhuriyiti tashqi ishlar ministirliqi bayanat élan qilip, mewlüt chawushoghluning bash ministir sherif we tashqi ishlar ministiri zerdari bilen téléfonliship, afghanistanning hindiqush rayonida yüz bérip, pakistanghimu tesir körsetken 6.5 bal yer tewresh sewebidin hal sorash we teziye bildürüsh arqiliq türkiyening pakistan bilen hemnepes ikenlikini ipadiligenlikini bildürdi.

pakistan bash ministiri sherif we tashqi ishlar ministiri zerdarimu ministir chawushoghlugha rehmet éytti.

ministir chawushoghlu tiwittérdiki adrésida inglizche uchur hembehrilep, türkiyening yer tewreshning tesirige uchrighan pakistan, afghanistan, qazaqistan, qirghizistan, özbékistan, türkmenistan, tajikistan we hindistan bilen hemkarliq ornitidighanliqini bildürüp, «oy – pikir we dualirimiz yer tewreshning tesirige uchrighanlar bilen birge» dédi.

chawushoghlu pakistan we afghanistandiki yer tewreshte hayatidin ayrilghanlarning aile-tawabiatliridin hal soridi.

afghanistanning hindiqush rayonida yüz bergen 21-marttiki 6.5 bal yer tewresh pakistan, hindistan we ottura asiyadiki bir qisim döletlerde küchlük hés qilinghanidi.