erdoghan sudani bilen qoshma muxbirlarni kütüwélish yighini ötküzdi

türkiye awazi radiyosi xewiri: jumhur reis erdoghan paytext enqerediki pirézidéntliq mehkimisi binasida iraq bash ministiri sudani bilen ayrim, heyetler ara söhbetlerni ötküzgendin kéyin qoshma muxbirlarni kütüwélish yighini ötküzdi.

bash ministir sudani bilen ikki dölet munasiwetlirini etrapliq muzakire qilghanliqlirini bildürgen jumhur reis erdoghan: «térrorluqning barliq shekillirige birdek qarshi turush iradimizni jezmleshtürduq. besredin türkiye chégrasighiche sozulidighan tash yol we tömür yol karidori <tereqqiyat yoli pilani>ni emelge ashurush üchün birlikte tirishchanliq körsitish iradimizni tekitlep öttuq» dédi.

iraq bash ministiri bilen ötküzülgen söhbette nuqtiliq halda p k k, daésh we fethullahchi térrorluq teshkilati qatarliq térrorluq teshkilatlirigha qarshi küresh toghrisida sözleshkenliklirini bildürgen erdoghan: «bu teshkilatlarning her ikki döletke xewp élip kéliwatqanliqi éniq. bizning iraqliq qérindashlirimizdin kütidighinimiz, p k k ni térrorluq teshkilati dep étirap qilishi we zéminlirini bu qoli qanliq térrorluq teshkilatidin tazilishidur» dédi.

erdoghan türkiyening iraq bilen térrorluqqa qarshi turush jehette her qandaq hemkarliqni ornitishqa teyyar ikenlikini tekitlidi.

u ötken yili 24 milyard dollardin éship, tarixta rékort yaratqan türkiye - iraq soda miqdarini téximu ashurush yoshurun küchi barliqini otturigha qoydi.

jumhur reis erdoghan axirida: «xelqimiz bilen birlikte iraqtiki barliq qérindashlirimizning baharning bésharetchisi bolghan noruz bayrimini tebrikleymen» dédi.