türkiye kosowu bilen sérbiye otturisidiki munasiwetlerning normallashturulushini qollidi
türkiye yawropa ittipaqi yol xeritisi dairiside, kosowu bilen sérbiye otturisidiki munasiwetlerning normallashturulushigha dair kélishimini ijra qilish qoshumche höjjiti toghrisida kélishim hasil qilinghanliqini memnunluq bilen qarshi alidighanliqini bildürdi.
türkiye awazi radiyosi xewiri: türkiye tashqi ishlar ministirliqining bayanatida, tereplerning aldimizdiki megillerde mezkur kélishimning belgilimilirige toluq emel qilish arqiliq konkrét netijilerge érishishini ümid qilidighanliqi uqturuldi.
bayanatta, 27 - féwral yawropa ittipaqining kosowu bilen sérbiye otturisidiki munasiwetlerni normallashturush yol xeritisi dairiside bélgiyening paytexti biryussélda hasil qilinghan kélishimdin kéyin, ikki dölet rehberlirining 18 - martta shimaliy makédoniyening oxri shehiride kélishimni ijra qilish qoshumche höjjiti toghrisida kélishim hasil qilinghanliqini memnunluq bilen qarshi alidighanliqi bildürüldi.
bayanatta mundaq déyildi:
dölitimiz bolupmu éléktr tarqitish mesilisi qatarliq basquchlargha töhpe qoshmaqta. hörmetlik jumhur reisimiz (rejep tayyip erdoghan) yéqinda (eng axirida) sérbiye pirézidénti (aléksandir) wujich we kosowu bash ministiri (albin) kurti bilen ayrim -ayrim körüshti. türkiye bolush süpitimiz bilen kosowu-sérbiye otturisidiki munasiwetlerni normallashturushni meqset qilghan barliq teshebbuslarni qollap quwwetleshni dawamlashturimiz.»
