togg mushu hepte bazargha sélinidu
türkiyening yerlik we milliy aptomobili togg (TOGG) mushu hepte bazargha sélinidu.
türkiye awazi radiyosi xewiri: türkiye sanaet we téxnologiye ministirliqining muawin ministiri mehmet fatih qajir türkiyening yerlik we milliy aptomobili toggning mushu hepte bazargha sélinidighanliqini uqturdi.
qajir mundaq dédi: «türkiyening yerlik we milliy aptomobili togg dunyadiki eng ilghar tok aptomobil markiliridin biri bolidu, shundaqla aptomobil sahesisde köpligen téxnologiyelik yéngiliq yaritish teshebbuslirining otturigha chiqishida türtkilik rol oynaydu.»
igilinishiche, türkiyening yerlik we milliy aptomobili toggning tunji qétim C sinip SUV modéli bazargha sélinidiken.
toggning emeliy sétilish bahasi qisqa waqit ichide jamaetchilikke élan qilinidiken.
bursa wilayitining gemlik rayonidiki aptomobil ishlepchiqirish zawutida 2022 – yili 29 – öktebir küni türkiyening yerlik we milliy aptomobili toggni türkümlep ishlepchiqirish xizmiti bashlanghan idi.
türkiyening nshani bu yilning axirlirighiche texminen 20 ming aptomobil ishlepchiqirish, 2030-yiliche buni bir milyongha yetküzüsh iken.