türkiye sayahetchilerni jelp qilishni dawamlashturmaqta
türkiye sayahet yoshurun küchi eng yuqiri döletlerdin biri bolush alahidilikini izchil jari qildurmaqta.
türkiye awazi radiyosi xewiri: türkiye sayahet kopiratipliri jemiyiti mudiriyitining reisi firuz baghliqaya 6 – féwral küni qahramanmarashni merkez qilghan türkiyening 11 wilayitide yüz bergen yer tewresh apitide talapetke uchrighan sheherlerning sayahet bazarlirida muhim orungha ige ikenlikini bayan qildi.
baghliqaya bu rayonlarning bolupmu yémeklikshunasliq we medeniyet sayahetliride kem bolsa bolmaydighan seyligahlardin biri ikenlikini qeyt qildi.
u yer tewresh apitining 2023 – yilliq sayahet nishanigha bolghan tesiri toghrisida toxtilip mundaq dédi: «biz bashtin kechürüwatqan bu mislisiz apetning sayahet sahesige qanchilik tesir körsetkenlikini aldimizdiki künlerde téximu éniq körimiz. bu menidin éytqanda, ITB bérlin sayahet yermenkisi dairiside ishqa ashurulidighan uchrishishlirimiz nahayti zor ehmiyetke ige.»
«türkiye özige xas eneniwiy sayahet yoshurun küchi sayisida sayahetchilerni eng yüksek sewiyede jeilp qilmaqta. bu nuqtida gérmaniye, rusiye, engliye, polsha, gollandiye qatarliq döletlerning zakaz telipi yawropa boyiche eng aldinqi qatarda turmaqta.»
baghliqaya 3-ayning 7-9-künliri gérmaniyede ötküzülidighan ITB bérlin yermenkisige qatnishidighanliqlirini eskertti.
u ITB bérlin yermenkisidin kéyin xelqara alaqini dawamliq saqlap, dunyaning herqaysi jayliridin kelgen sayahetchilerni türkiyege jelp qilish üchün dawamliq tirishchanliq körsitidighanliqlirini qeyt qildi.
