türkiyediki yer tewreshte qaza qilghanlarning sani  45 ming 968 ge yetti

türkiye awazi radiyosi xewiri: ichki ishlar ministiri sulayman soylu xatay apet we jiddiy haletlerge taqabil turush idarisi (AFAD) wilayetlik maslashturush merkizide bayanat élan qildi.

sulayman soylu, «dunya boyiche eng chong yer tewresh we 400 kilomitirliq  yer yérilishtin söz qiliwatimiz. elwette, bu bizge nisbeten muhim aqiwetlerni élip keldi. chong azablar we chong ghelibiler xelqlerni birleshtüridu. millitimiz bu chong azabta katta ittipaqliqni ishqa ashurdi» dédi.

ministir soylu yer tewreshte hayatidin ayrilghanlarning sani heqqidimu toxtilip, «hazirgha qeder xarabilik we doxturxanilarda hayatidin ayrilghanlarning sani 45  ming 968 kishige yetti. bularning ichide 4267 süriyelik qérindishimiz bar» dédi.

soylu hazirgha qeder rayonda jemiy 13 ming 722 qétim  qoshumche yer tewreshning yüz bergenlikini, we buning normal ehwal emeslikini eskertti hemde pütün yer tewresh rayonida 332 we  xatayda 80 chédir shehiri qurup chiqqanliqini tekitlep, apette hayat qalghan 1 milyon 500 ming kishining chédirda turuwatqanliqini éytti.

soylu xatayda 21 ming 895 kontéynér öy qurushni pilanlanghanliqini, 3 ming kontéynér öyning qurulushi tamamlanghanliqini bildürdi.

ministir soylu pütkül yer tewresh rayonidin tarqaqlashturulghanlarning éniqlanghan sanining 2 milyon 141 ming kishige yetkenlikini bildürdi.