chawushoghlu: b d t qatarliq xelqaraliq teshkilatlar islahatqa mohtaj

türkiye awazi radiyosi xewiri: hindistanning paytexti déngi déhlida chaqirilghan 20 dölet guruhi tashqi ishlar ministirliri yighini 6 – féwral (2023) türkiyening qahramanmarashni merkez qilghan 11 wilayiti we süriyede yüz bergen yer tewreshte jénidin ayrilghanlar üchün hörmette turush bilen bashlandi.

tashqi ishlar ministiri mewlüt chawushoghlu yighinda qilghan sözide, türkiyediki yer tewresh apitide hemkarliq asasida heriket qilghanliqi üchün xelqara jemiyetke minnetdarliq bildürdi.

chawushoghlu «köp tereplik hemkarliqni kücheytish, islahat éhtiyaji, yémeklik we énérgiye bixeterliki, tereqqiyat hemkarliqi» témiliq yighinda, türkiyening bu pozitsiyesining « köp tereplik hemkarliqni kücheytish we islahat élip bérishqa bolghan éhtiyaj» ning teqezzasi ikenlikini tekitlidi.

tashqi ishlar ministiri mewlüt chawushoghlu birleshken döletler teshkilati islahat qilinmisa, köp tereplik tirishchanliqning yéterlik bolmaydighanliqini eskertti, hemde xewpsizlik kéngishi, dunya sehiye teshkilati qatarliq birleshken döletler teshkilati organliridin bashqa, dunya soda teshkilati we xelqara pul-muamile apparatliriningmu keng dairilik islahatqa mohtaj ikenlikini qeyt qildi.

chawushoghlu mundaq dep körsetti: «islahat élip bérish tirishchanliqliri bizning shexsiy mölcherlirimizge emes, belki téximu chong yaxshiliq menzilgahlirigha élip baridighan nishanlargha asaslinishi kérek.»

ministir chawushoghlu ukrainadiki urushning dunya énérgiye we yémeklik bixeterliki mesilisini otturigha chiqarghanliqini,  yémeklik we énérgiye bixeterliki bolmisa her qandaq shekildiki tereqqiyat tirishchanliqini tesewwur qilghili bolmaydighanliqini tekitlidi.

chawushoghlu sözini dawamlashturup mundaq dédi: «birleshken döletler teshkilati bilen biz biwasite rol oynighan istanbul ashliq kélishimi arqiliq dunyadiki her bir ailige yardem bérilmekte. shunga, bu kélishimning mudditini uzartishqa tirishiwatimiz.»