türkiye birinchi yilini toldurghan rusiye - ukraina urushi toghrisida bayanat élan qildi

türkiye awazi radiyosi xewiri: türkiye jumhuriyiti tashqi ishlar ministirliqi ukraina urushining bir yilni arqida qaldurghanliqi munasiwiti bilen yazma bayanat élan qilip, türkiyening pütkül urunushlirigha qarimay, ukrainada buningdin del bir yil burun (24 – féwral) bashlanghan urushning hélihem dawamlishiwatqanliqini eskertip ötti.

urushning éghir selbiy tesirining urushuwatqan mezkur ikki dölettila emes, dunyaning herqaysi jayliridimu roshen hés qilinghanliqi otturigha qoyulghan bayanatta: «biz hemmila yerde urushning adil we üzül – késil halette tézdin axirlishishi kéreklikini tekitlep kéliwatimiz. biz istanbul ashliq kélishimige oxshash teshebbuslar arqiliq mesilining hel qilinishigha hemdem bolimiz... biz bashtin-axir ret qilip kelgen rusiye-ukraina urushining ukrainaning zémin pütünlüki we igilik hoquqigha kapaletlik qilidighan shekilde axirlishishi üchün, pütün küchimiz bilen tirishchanliq körsitishni dawamlashturimiz» dégen ibarilerge orun bérildi.