türkiye shiwitsiyeni türkiyege qarshi tetür teshwiqatlargha yol qoyghanliqi üchün qattiq eyiblidi

türkiye awazi radiyosi xewiri: dölitimiz tashqi ishlar ministirliqi shiwitsiyede p k k gha qarashliq guruppilar teshkilligen namayish heqqide bayanat élan qildi.

bayanatta, shiwitsiyening paytexti stokholmda qurangha qilinghan peskeshlerche hujumgha yol qoyulghandin kéyin, arqidinla bashlanghan türkiyege qarshi namayishqa naraziliq bildürüldi.

bayanatta, «bu qétim sheher merkizide p k k gha tewe guruppilar teripidin dölitimizge qarshi tetür teshwiqat herikiti élip bérilishigha yol qoyulghanliqini eng küchlük eyibleymiz» déyildi hemde bu heriketning térorluq teshkilatlirining tetür teshwiqatlirini tosushqa dair shiwitsiyemu imza qoyghan üch terep ehdinamisigha uchuq ashkara xilapliq qilghanliq bolghanliqi tekitlendi.

bayanatta, «üch terep ehdinamisidiki wedilerge sadiq ikenlikini jakarlash bilen bu wedilerni orundash ikkisi ayrim-ayrim ikki mesilidur. shiwitsiyening üch terep ehdinamisidiki wedilirige binaen bolupmu térorluqqa qarshi küresh jehette  quruq geptin bekrek konkrét we ünümlük qedemlerni tashlishini ümid qilidighanliqimizni tekitleymiz» déyildi.

daniyelik ashqun ongchi tar yönilishlik partiye (Stram Kurs) ning rehbiri rasmus paludan türkiyening stokholimdiki bash elchixanisi yénida quran kerimni köydürüsh ighwagerchilikide bolghan idi.

arqidinla p k k/y p g ning qollighuchiliri paytext stokholmning norra bantorgét meydanigha yighilip, shiwitsiyening shimaliy atlantik ehdi teshkilatigha eza bolush jeryanida türkiye bilen tüzgen ehdinamisini bikar qilishini telep qilghan idi.

türkiye 28 - iyunda ispaniyening paytexiti madridtiki shimaliy atlantik ehdi teshkilati bashliqlar yighinida eza bolush iltimasi sunghan finlandiye we shiwitsiyeni wito qilghan  idi.

térrorluq teshkilatlirini ochuq-ashkare qollawatqan bu ikki dölet kéyin türkiye bilen ehdiname imzalighan bolup, türkiye ehdinamidiki wedilerning emelge ashurulishini kütmekte.