chawushoghlu amérikani tengpung pozitsiye tutushqa chaqirimiz
tashqi ishlar ministiri mewlüt chawushoghlu amérika qoshma ishtatlirini girétsiye bilen bolghan munasiwetlerde tekrar tengpung pozitsiye tutushqa chaqiridighanliqlirini éytti.
türkiye awazi radiyosi xewiri: türkiye tashqi ishlar ministiri chawushoghlu türkiye –istiratégiyelik méxanizmining 2 – nöwetlik ministirlar yighini dairiside, paytext washingtonda amérika qoshma ishtatliri tashqi ishlar ministiri antoni blinkén bilen körüshti, andin türkiye axbarat wasitiliri bilen birlikte muxbirlarni kütüwélish yighini ötküzdi.
ministir chawushoghlu bu yerde qilghan sözide, amérika qoshma ishtatlirining girétsiye bilen bolghan munasiwetliride tengpungluq pozitsiyesini girétsiyege paydiliq rewishte buzghanliqini eskertti, girétsiyening qoral – yaraghlardin xaliy qilinghan arallarning salahiyitini depsende qilghanliqini, amérika qoshma ishtatlirining buninggha étiraz bildürmigenlikini bayan qildi.
u aqdéngizdiki özgirishler heqqide toxtalghanda, mundaq dédi: «jenubiy qibris rum hakimiyiti amérika qoshma ishtatliridin qoral - yaragh sétiwalalaydu. kimge qarshi? qibris türklirige qarshi, türkiyege qarshi. jenubiy qibris rum hakimiyitining pul yuyush mesiliside téximu yaxshi hemkarlishishi üchün. bu mesilini oxshimighan shekilde hel qilish mumkin. derweqe, bu tengpungluqni buzush dégenliktur. biz amérika qoshma ishtatlirini girétsiye bilen bolghan munasiwetlerde tekrar tengpung pozitsiye tutushqa chaqirimiz.»
chawushoghlu amérika qoshma ishtatlirining girétsiyege «F-35» tipliq urush ayropilanliri sétip bérish mesiliside, «türkiye girétsiyege oxshash tosalghu siyasitini yolgha qoyidighan dölet emes, chünki biz özimizge ishinimiz» dédi.
u bu heqte amérika qoshma ishtatlirining shimaliy atlantik ehdi teshkilati-natogha eza ikki dölet otturisida téximu tengpung pozitsiye tutushi lazimliqini xatiriletkenliklirini tekitlidi.
