enqere jumhuriyet bash teptish mehkimisi p k k setchilikini tekshürüsh telipini shiwétsiyege yollidi
enqere bash teptish mehkimisi shiwétsiyediki bölgünchi térrorluq teshkilati p k k/y p g ning tetür teshwiqatini tekshürüsh telipini shiwétsiye edliye organlirigha yollidi.
türkiye awazi radiyosi xewiri: enqere jumhuriyet bash teptish mehkimisi teripidin élan qilinghan bayanatta, shiwétsiyening paytexti sitokholmda, bölgünchi térrorluq teshkilati p k k/y p g qoralliq térrorluq teshkilatining qollighuchilirining türkiye jumhuriyiti jumhur reisi rejep tayyip erdoghanni nishan qilghan jinayi qilmishlirining enqere jumhuriyet bash teptish mehkimisi teripidin tekshürülüshke bashlanghanliqi bildürüldi.
bayanatta mundaq déyildi: «yawropa jinayi ishlar mesiliside özara qanun yardimi bérish ehdinamisige asasen, bu setchilik heqqide edliye / memuriy jehettin tekshürüshning bashlinip -bashlanmighanliqi, jawabkarlarning éniqlap chiqilishi, delil-ispatlarning toplinip, jumhuriyet bash teptish mehkimimizge yollinishigha dair telipimiz shiwétsiye edliye organlirigha ewetildi.»
tekshürüshning enqere bash teptish mehkimisi térrorluq jinayetlirini tekshürüsh biyorusi teripidin élip bériliwatqanliqi bildürüldi.