erdoghan: chet el téxnikisigha tayinidighan türkiyeni sözi ötidighan bir döletke aylandurduq

türkiye awazi radiyosi xewiri: jumhur reis, qoshumche adalet we tereqqiyat partiyesi reisi  rejep tayyip erdoghan, partiyesining paytext enqerede ötküzülgen köchme üsküne epini tonutush yighinigha qatniship söz qildi.

her sahedikige oxshash téxnika sahesidiki qedemliri bilenmu zor ilgirileshlerni qolgha keltürgenlikini tekitligen erdoghan, yerlik tokluq mashina togg, uchquchisiz küreshchi ayropilan — qizilelma, uchquchisiz hawa apparati — anqa, hujumchi tik uchar ayropilani — atak, normal tik uchar — gökbey we milliy küreshchi ayropilani qatarliqlarni buninggha misal qilip körsetti.

erdoghan, barliq sahelerdikige oxshash reqemleshtürüsh sahesidimu bashlamchi boluwatqan türkiyening yéqinda alem pirogrammisi bilen, yerlik yumshaq détallirining dunyawi muweppeqiyiti bilen we nurghunlighan yuqiri téxnikiliq mehsulatliri nam chiqiridighanliqini tekitlidi.

jumhur reis erdoghan,  özlirining éghir derijide chet el téxnikisigha tayinidighan türkiyeni her sahede sözi ötidighan bir döletke aylandurghanliqlirini sözlirige ilawe qildi.