erdoghan: biz bügün parlaq yéngi yüz yilgha qedem basimiz
dölitimiz (türkiye jumhuriyiti) jumhur reisi rejep tayyip erdoghan bügün peqet yéngi yilni kütüwélipla qalmastin, türkiye jumhuriyitining parlaq yüz yilighimu qedem basidighanliqlirini éytti.
türkiye awazi radiyosi xewiri: jumhur reis erdoghan, ammiwi ortaqlishish tor bétidiki sehipiside, türkiye xelqining yéngi yilini tebriklidi, hemde 2022 – yili heqqide toxtaldi.
2022 – yili dölet miqyasida muhit tazilash, nöl tashlanduq we sheher muhitini özgertishte nahayiti zor muweppeqiyetlerning qolgha keltürülgenlikini bayan qilghan erdoghan, türkiyede jumhuriyet tarixidiki eng chong ammiwi turalghu xizmitini ishqa kirishtürgenliklirini, deslepki qedemde 5 ming 615 turalghuning sélinghanliqini, 45 ming tebiiy apettin mudapielinish öyini tamamlighanliqlirini qeyt qildi.
100 ming tüp köchet tikkenliklirini, 49 xelq baghchisini tamamlap, ishqa kirishtürgenliklirini tekitligen erdoghan, xelq baghchilirining omumiy sanini 152 ge yetküzgenliklirini, 310 layihening qurulush xizmitining dawamlishiwatqanliqini éytti.
2030 – yilghiche kilimat özgirishige qarshi bulghimini azaytish nishanini % 41 ke yetküzgenliklirini eskertken erdoghan, 2022-yilining aldinqi 11 éyida 231 milyard dollarliq éksportni emelge ashurghanliqlirini tekitlep mundaq dédi: «18 dölet bilen bolghan sodimizni tereqqiy qildurush üchün <yiraqtiki döletler istratégiyesi> ni yolgha qoyduq.»
«biz bügün peqet yéngi yilni kütüwélipla qalmastin, türkiye jumhuriyitining parlaq yüz yilighimu qedem basimiz.»
