erdoghan: 1 milyon yumshaq détal mutexessisini ishqa orunlashturush sanini 2 hesse köpeyttuq

türkiye awazi radiyosi xewiri: jumhur reis rejep tayyip erdoghan beshtepe xelq qurultiyi we medeniyet merkizide ötküzülgen «1 milyon yumtal mutexessisini ishqa orunlashturush layihesi» ni tonushturush yighinida qilghan sözide, téxnologiyening tereqqiyatining peqet türkiyedila emes, pütkül dunyadimu layaqetlik emgek küchlirige keng kölemde purset yaritip bériwatqanliqini, bolupmu ilghar téxnologiyege asaslinidighan mehsulatlarni pirogrammiliq halgha keltürüsh, hemde qoshumche qimmiti yuqiri yumtallarni tereqqiy qildurush layiheliride yaxshi terbiyelengen köp sanda xizmetchi – xadimlargha éhtiyaj barliqini eskertti.

milliy téxnologiyelik igilik tiklesh istratégiyesige asasen 2030-yilgha barghanda 100 ming téxnologiyelik igilik tiklesh pilanini aldinqi aylarda élan qilghanliqlirini eskertken erdoghan, özliri qollaydighan kelgüsining kespi türini 25 tin 100 ge köpeytkenliklirini, telim - terbiye pirogrammilirining mudditini  bolsa 6 aydin 9 aygha uzartqanliqlirini qeyt qildi.

u 2020-yili yolgha qoyulghan 1 milyon yumtal mutexessisini ishqa orunlashturush layihesi dairiside, heqsiz we héchqandaq sherti bolmighan layihege tizimlatqanlarning 33 kesptin birini tallap, sistémidiki 1800 saetlik 216 qétimliq terbiyeleshke qatnishalaydighanliqlirini tekitlep mundaq dédi: «bashlanghuchidin tartip taki hazirghiche  nishandin halqip, 1 milyon 96 ming 566 kishi bu pirogramma arqiliq oqushni tamamlidi. qiziqidighanlar nahayiti köp bolghanliqi üchün, 1 milyon yumtal mutexessisini ishqa orunlashturush layihemizni dawamlashturush, sistémidiki terbiyelengüchiler sanini kéler yili ikki hesse köpeytishni qararlashturduq.»