erdoghan eliyéwning tughulghan künini tebriklidi
dölitimiz (türkiye jumhuriyiti) jumhur reisi rejep tayyip erdoghan ezerbeyjan pirézidénti ilham eliyéwning tughulghan künini tebriklidi.
türkiye awazi radiyosi xewiri: ezerbeyjan pirézidént mehkimisining bildürüshiche, jumhur reis erdoghan, ezerbeyjan pirézidénti ilham eliyéwgha télégramma yollap, uning tughulghan künini tebrikligen, hemde uninggha ésenlik, bext – saadet we uzun ömür tilep mundaq dégen: «sizning iradilik we yiraqni körerlik rehberlikingiz sayisida, qérindash ezerbeyjan yéqinqi yillarda zor utuqlargha ériship, xelqara sehnidiki inawitini téximu kücheytti. bolupmu qarabagh we sherqiy zengezurni qayta qurush we güllendürüsh yolida namayen qilghan qetiy iradingiz teqdirleshke erziydu.»
«ezerbeyjanning tinchliqi, güllinishi we kelgüsi ewladliri üchün körsitiwatqan qimmetlik tirishchanliqliringiz, pütkül türk dunyasining qizghin alqishigha érishmekte we ülge süpitide qobul qilinmaqta.»
«<bir millet, ikki dölet> éngi we xelqlirimiz otturisidiki qedimki qérindashliq munasiwetliridin uzuqliniwatqan türkiye-ezerbeyjan ittipaqimu bu basquchta rayonimiz üchün bixeterlik, muqimliq we güllinishning kem bolsa bolmaydighan amilgha aylandi.»
«dölet mudapiesi sanaiti, birleshme énérgiye we qatnash layiheliridiki hemkarliqlirimiz bilen her sahediki tewrenmes ittipaqliqimizni téximu yuqiri sewiyege yetküzidighanliqimizgha chin dilimdin ishinimen.»
