mewlut chawushoghlu yemen tashqi ishlar ministiri bilen körüshti

türkiye awazi radiyosi xewiri: tashqi ishlar ministiri mewlut chawushoghlu paytext enqerede yemenlik mensepdishi ehmed awad bin mubarek bilen ötküzgen birleshme axbarat élan qilish yighinida söz qildi.

chawushoghlu yemenning türkiye we türk xelqi üchün alahide orni barliqini eskertip: «yemendiki insanperwerlik kirizisi éghir derijige yetti. yemen xelqining yérimidin köpreki yémeklik kirizisigha duch kelmekte. biz bu qiyin künlerde yemenni qollashni dawamlashturimiz. ukrainadin kelgen 37 ming tonna bughdayni türkiyede ungha aylandurup, yemenge ewettuq» dédi.

yemen yashlirigha dawamliq türkiye oqush mukapat puli bériliwatqanliqini tekitligen chawushoghlu: «bu yil 79 oqughuchigha oqush mukapat puli berduq. 7 mingdin artuq yemenlik oqughuchi türkiyede oqumaqta. peqet diplomatlarni terbiyeleshla kupaye qilmaydu, yemenning bixeterliki nahayiti muhim. saqchi idarilirimiz yemen saqchilirini terbiyileshni dawamlashturmaqta. yemende muqimliq emelge ashqanda yardemlirimizni téximu ashurup dawamlashturimiz» dédi.

chawushoghlu yemen bilen eng qisqa waqit ichide konsulxana mesilisini muzakirelishishni xalaydighanliqini éytti.

chawushoghlu yene bir tereptin, afghanistanda taliban hökümitining qiz oqughuchilarning uniwérsitéta oqushini waqtinche toxtitish qararigha naraziliq bildürüp: «qiz oqughuchilargha qaritilghan maarip cheklimisi bizni heqiqeten chongqur azablidi. bu cheklesh islamiymu emes, insaniymu emes. biz bu qararni qetiy ret qilimiz. talibanning bu qarardin waz kéchishini kütmektimiz. biz afghanistanliq qérindashlirimizni maarip we oqush mukapat puli bilen teminleshni dawamlashturimiz» dédi.