türkiyening hawa mudapiesini kücheytish üchün yéngi qararlar chiqirildi

türkiye awazi radiyosi xewiri: tünügün (2022-yili 20dékabir) enqerede jumhur reislik mehkimiside, jumhur reis rejep tayyip erdoghanning bashchiliqida dölet mudapie ijraiye komitéti yighini chaqirildi.

yighinda, türkiye armiyesi ishlitiwatqan yerlik we milliy sistémilargha yéngi sistémilarni seplesh mesililiri muzakire qilindi we oxshimighan 25 layihege munasiwetlik qararlar chiqirildi.

hawa mudapiesini küchlendürüsh üchün qalqan, hisar wa sungur sistémilirini yéngidin kölemlik ishlepchiqirish qarar qilindi. tayfun, atmaja, «TRLG-230», qara oq, gökdoghan we bozdoghan qatarliq bashqurulidighan bombilardin bashqa, akya torpédasi we her xil supilargha kéreklik oq-dprilarni kölemlik ishlepchiqirish toghrisida qararlar chiqirildi.

milliy paraxot layihesi ramkisida yasilidighan paraxotlarning «i» türidiki qoghdighuchi paraxotlarni yasashmu qarar qilindi.

deslepki sinaqta besh saetlik uchushni muweppeqiyetlik halda tamamlighan uchquchisiz küreshchi ayropilan «qizil alma» ning iqtidarini ashurush mesilisimu muzakire qilindi.

buningdin bashqa, «F-16» ayropilanlirini zamaniwiylashturup, mewjut flotqa yéngilirini qoshush, yéngi éléktronluq urush we radar sistémiliri, her xil hawa, quruqluq we déngiz supiliri, xewerlishish we uchur sistémiliri, üsküne-jabduqlar, teqlid qilish, eshya oboroti we tor bixeterliki qatarliq sahelerge yéngi türlerni qoshush qarar qilindi.