sobaji: dunya uchur-alaqe sistémisida, toghra bilen yalghan bir-birige ariliship ketti

türkiye awazi radiyosi xewiri: t r t bash mudiri mehmet zahid sobaji bu yilqi (2022) t r t world munbirining échilishi murasimida, téximu güzel kélechek üchün hazirqi mewjut ehwalni éniq otturigha qoyushning we éniqsizliqlarni imkaniyetke aylandurushning yoshurun küchidin paydilinishning ehmiyitini tekitlidi.

u dunyadiki oxshimaydighan idiyelerge, köz qarashlargha we oxshimighan awazlargha sahibxanliq qilidighan türkiyening nurghun yer shari xaraktérlik kirizislarni hel qilishta mohim rol oynighanliqini, tereplerni bir yerge jem qilip, söhbet üchün «bixeter port» berpa qilghanliqini bildürdi.

 u ashliq kirizisida karidor échip, esir almashturushta kapaletchi bolghan, wuxen wirusi (Kovid-19 ) mezgilide 150 din artuq döletke yardem qilip, 8 milyard kishining her biri üchün ayrim küresh qilghan türkiyening, téximu adil dunya berpa qilishning mumkin ikenlikini herikiti, sözi  we emeliyiti bilen namayan qilghanliqini qeyt qildi.

u dunya xaraktérlik mesililerni hel qilishta, axbaratqa muhim wezipilerning chüshidighanliqini tekitlep, mundaq dédi:

«bügün dunya uchur-alaqe sistémisi ichide toghra bilen yalghanning, emeliyet bilen batilning bir-birige gireliship ketkenlikini körüwatimiz. bezide qestenlik bilen, bezide angsiz halda peyda qilinghan qalaymiqanchiliqlarni yingishning yalghuz bir charesi bar. u bolsimu, süzgüchlerdin emes, belki adilliq bilen pütkül dunyagha teng qarash. yeni, bu küchlük, bu ajiz démestin adalet pirinsipini asas qilip axbaratchiliq qilish.»

u téximu adil dunya berpa qilish kürishide axbarat saheside qolidin kélidighan barliq tirishchanliqlarni körsitip, buninggha hesse qoshushqa atlanghanliqlirini qeyt qildi.