erdoghanning tiwittér hésabi dunya boyiche üchinchi eng küchlük tiwittér hésabigha aylandi

türkiye awazi radiyosi xewiri: jumhur reis rejep tayyip erdoghanning axbarat we alaqe ishlirigha mesul meslihetchisi ismail jesur bu heqte bayanat élan qildi.

ismail jesur: «yershari ammiwi munasiwet agéntliqigha tewe dijital diplomatiye tetqiqat jemiyiti <tiwittérdiki eng küchlük rehberler> tetqiqat netijisini élan qildi» dédi.

tetqiqat netijisige asaslanghanda, jumhur reis rejep tayyip erdoghanning xususiy tiwittér hésabi 2022 – yilida biraqla ikki baldaq örlep, 19 milyondin artuq egeshküchisi bilen dunya boyiche üchinchi eng küchlük tiwittér hésabining igisi shundaqla yawropa boyiche eng küchlük siyasiy dahiy unwanigha ige bolghan.

tizimlikte dunya boyiche eng küchlük birinchi hésabning hindistan bash ministiri naréndra modigha, eng küchlük ikkinchi hésabning bolsa, amérika pirézidénti jo baydingha tewe ikenliki uqturuldi.