erdoghan engliye bash weziri bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan engliye bash weziri rishi sunak bilen téléfonda körüshti.
türkiye awazi radiyosi xewiri: jumhur reislik mehkimisi uchur - alaqe ishliri idarisining bildürüshiche, ikki rehberning téléfon söhbitide, soda we dölet mudapiesi sanaitini öz ichige alghan türkiye – engliye munasiwetlirini tereqqiy qildurush yolida tashlinidighan qedemler heqqide muzakire élip bérilghan.
rayonluq mesililer toghriliqmu muzakire élip bérilghan téléfon söhbitide, jumhur reis erdoghan, shimaliy atlantik ehdi teshkilatining ikki ittipaqdash döliti bolush süpiti bilen munasiwetlerde soghuqqanliq we istiratégiyelik nuqtiiynezerning izchil dawamlishidighanligha ishinidighanliqini eskertken, hemde rusiye - ukraina otturisidiki söhbetning asasini tézdin qaytidin eslige keltürüshning hemmining menpeetige uyghun ikenlikini tekitligen. shundaqla, qibris mesilisini hel qilish üchün yéngi we konkrét qedemlerni tashlashning zörürlükini qeyt qilghan.
