erdoghan tashqi siyaset heqqide muhim söz qildi

türkiye awazi radiyosi xewiri: jumhur reis erdoghan tünügün (27-noyabir) konyada ziyarette boldi we yashlar uchrishish paaliyitige qatnashti.

erdoghan aldinqi hepte qatarda misir pirézidénti abdulfettah essisi bilen körüshkenlikige dair soalgha jawab bérip: «yérim saet, belki 45 minutqiche sisi ependi bilen tar dairilik bir uchrishish ötküzdüq. <hazirche töwen qatlamda ministirlirimiz özara bérip kélishni bashlisun, andin biz muzakirilirimizni kéngeyteyli, tereqqiy qildurayli. qilishqa tégishlik ishimiz, siler bilen türkiye otturisidiki yirikchilikni hel qilish. aqdéngizda türkiye - misir otturisida bundaq mesile körülmesliki kérek> déduq. biz yene oxshimaydighan bezi témilarnimu sözleshtuq. men tapshuruwalghan uchur we xewerlerge qarighanda, umu bu uchrishishtin intayin xushalken. bizmu oxshashla xushalliq tilikimizni yolliduq. hazir musape bashlandi, ministirlirimiz bilen bir musape dawamlishidu. uchrishish arqiliq aqdéngizda (chünki misir xelqi bilen türkiyening alaqe munasiwiti intayin perqliq) bu küchni bashqilargha tartquzup qoymasliqimiz kérek. girétsiyening bu yerlergiche kélishi؛ bu bolmaydighan bir ish.  shunga men yaxshi ilgirileshler bolidighanliqigha ishinimen» dédi.

erdoghan yene türkiyening pars qoltuqi döletliri bilen bolghan yirikchilikidin nep ündürmekchi boluwatqanlarning barliqini tekitlep: «bu ongshilishi bilen oyunlar buzuldi. bularning ichide ereb birleshme xelipilikimu bar. hazir bizning ereb birleshme xelipiliki bilen bolghan munasiwitimiz nahayiti yaxshi halette we téximu yaxshi bolidu. bu éniqki bezilerni biaram qilmaqta. buningdin kéyinki mezgilde misir bilen ishlar qandaq yoligha chüshse, süriye bilenmu shundaq bolushi mumkin. siyasette qiyidashqa bolmaydu» dédi.