jon kirbi: «türkiye térrorluq tehditige uchrawatidu, elwette, özini qoghdash hoquqi bar»
amérikada aqsaray dölet bixeterlik kéngishining istratégiyelik alaqe diréktori jon kirbi türkiyening jenubiy chégrasida térrorluq tehditige duch kéliwatqanliqini we özini her shekilde qoghdash hoquqining barliqini élan qildi.
1909712
türkiye awazi radiyosi xewiri: jon kirbi zum arqiliq doklat bérish yighinida aqsaray muxbirlirining soallirigha jawab bérip, türkiyening süriye chégrasidiki yéngi weziyet üstide toxtaldi.
u: «türkiye bolupmu jenubta térrorluq tehditining azabini tartishni dawamlashturuwatidu. elwette, türkiyening özini we puqralirini her shekilde qoghdash hoquqi bar» dédi.
urayondiki weziyettin özini ensiretken nuqtining bolsa, «s d g» dep atilidighan p k k/ y p g teshkilatining daéshqa qarshi kürishi ikenlikini bildürüp, «rayondiki bir heriketning hemkarlashquchimiz <s d g> ning daéshqa qarshi küresh qabiliyitini cheklimige uchritish mumkinlikidur. <s d g> bilen biz buning üchün hemkarlishiwatimiz we daéshqa qarita bésimni dawamlashturushni xalaymiz» dédi.
