erdoghan pirézidént makron we muhemmed bin selman bilen körüshti

türkiye awazi radiyosi xewiri: rejep tayyip erdoghan firansiye pirézidénti makron we seudi erebistan weliehdi shahzadisi muhemmed bin selman bilen ayrim-ayrim körüshti.

rehberlerning körüshüshliri axbaratqa yépiq shekilde emelge ashti.

jumhur reislik uchur-alaqe idarisining bayanatida bildürülishiche, firansiye pirézidénti makron körüshüshte istanbul istiqlal kochisidiki térrorluq hujumida jénidin ayrilghanlar üchün teziye bildürgen.

türkiye-firansiye munasiwetliri we rayon mesililiri muzakire qilinghan körüshüshte, jumhur reis rejep tayyip erdoghan sodidin bashqa, mudapie we énérgiye saheliridimu özara hemkarliqlarni tereqqiy qildurushning ikki terepning ortaq menpeetige paydiliq ikenlikini bildürgen.

u ashliq karidorining zor tirishchanliqlardin kéyin qaytidin xizmet bérishni bashlighanliqini eskertip, kélishimning dawamlishishi üchün yawropa ittipaqiningmu zimmisige chüshken wezipisini ada qilishi kéreklikini tilgha alghan.

jumhur reis rejep tayyip erdoghan yene, italiye bash ministiri jorjiya méloni bilenmu ayrim körüshti. körüshüsh oxshashla axbaratqa yépiq shekilde emelge ashti.