«mikta» bashliqlar yighini balida ötküzüldi
hindonéziyening bali arilida dawamlishiwatqan 20 dölet guruhi bashliqlar yighini jeryanida méksika, hindinoziye, jenubiy koréye, türkiye we awrastiraliye ortaq gewdisi — mikta bashliqlar yighini ötküzüldi.
türkiye awazi radiyosi xewiri: türkiye jumhuriyiti tashqi ishlar ministirliqi birleshme yazma bayanat élan qilip, mikta bashliqlar yighinining jumhur reis rejep tayyip erdoghanningmu ishtirak qilishi bilen, hindonéziyening bali arilida ötküzülgenlikini uqturdi.
bayanatta, mikta rehberlirining misli körülmigen derijide köp tereplimilikke ige kirizisler yüz bériwatqan nöwettiki sharaitta, xelqaraning tinchliqi, muqimliqi we güllinishige töhpe qoshushta ching turidighanliqini tekitligenlikige isharet qilinip: «biz, duchar boluwatqan bu köp tereplimlik iqtisadiy we bixeterlik xirislirigha qarshi küresh qilishta, démokratiye we xelqara qanungha, köp tereplimilik we xelqara hemkarliqqa hörmet qilishni öz ichige alghan ortaq qimmet qarishimiz we oxshashliqilirimizdin ilham alimiz» dégen ibarilerge orun bérildi.
bayanatta mundaq déyildi: «mikta, téximu küchlük yershari bashqurush qatilimining qetiy iradilik qoghdighuchisi bolushni hemde tereqqiy tapqan, tereqqiy qiliwatqan döletler otturisidiki boshluqni toldurush jehette köwrüklük rol oynashni shundaqla, her qaysi terepler bilen chétishliqi bolghan mesililerde ortaq tonush hasil qilish tirishchanliqlirigha töhpe qoshushni dawamlashturidu.»
miktaning nöwetchi reislik wezipisini üstige alghan türkiyege minnetdarliq bildürülgen bayanatta, hindonéziyening muweppeqiyetlik ötigen G20 guruhi reisliki tebriklendi we pirézidént joko widodoning bali arilidiki méhmandostluqigha rehmet éytildi.
birleshme bayanatta yene: «biz yéqin hemkarliqni dawamlashturup, 2023 - yili hindonéziyening mikta nöwetchi reisliki astida, qolgha keltürgen netijilirimizni téximu ilgiri sürüsh üchün tirishimiz» dégen ibarilerge orun bérildi.
